RRËFIMI I NJË MBRETI

RRËFIMI I NJË MBRETI

Shkoi një poet tek mbreti dhe recitoi një poezi, në të cilën e lëvdonte mbretin.
Mbreti: Të lumtë! Kërko çka të duash?
A më jep çka të dua?-pyeti njeriu.
Mbreti: Po.
Dua te me japësh dinar ne vlere te shifrës qe e përmendi ne ajete kur’anore!
Do ta jap këtë- i premtoi mbreti.
Poeti: ” Zoti juaj (që meriton adhurim) është një Zot,”.(en Nahl, 22). Mbreti ia dha një dinar.
Poeti: ” vetë të dytin; kur që të dy ishin në shpellë”. (et Tewbe, 40), mbreti ia dha dy dinarë.
Poeti: ” Gjithashtu bënë kufër (mosbesim) ata që thanë: “All-llahu është i treti i treve”. (el Maide, 73), mbreti ia dha tre dinarë.
Poeti: ” ….tha: “Merri katër shpendë pranë vete (theri e copëtoi), “. (el Bekare, 260), mbreti ia dha katër dinarë.
Poeti: ” e as mes pesë vetave e të mos jetë Ai i gjashti,”. (el Muxhadele, 7), mbreti ia dha pese dinarë ne një vend dhe gjashte te tjera ne një vend tjetër.
Poeti: ” All-llahu është Ai që krijoi shtatë palë qiej”. (et Talak, 12), mbreti ia dha shtate dinarë.
Poeti: ” e atë ditë tetë (engjëj) e bartin mbi vete Arshin e Zotit tënd”. (el Hakkah, 17), mbreti ia dha tete dinarë.
Poeti: ” E në qytet ishin nëntë veta që bënin shkatërrime në tokë, e nuk përmirësonin”. (en Neml, 48), mbreti ia dha nëntë dinarë.
Poeti: ” këto janë dhjetë ditë të plota”. (el Bekare, 196), mbreti ia dha dhjete dinarë.
Poeti: ” unë pashë (në ëndërr) njëmbëdhjetë yje”. (Jusuf, 4), mbreti ia dha 11 dinarë.
Poeti: ” Te All-llahu numri i muajve është dymbëdhjetë (sipas hënës), ashtu si është në librin e All-llahut”. (et Tewbe, 36), mbreti ia dha 12 dinarë dhe e urdhëroi parinë e tij: Jepni edhe dyfishin e kësaj qe i dhamë e përzëreni nga këtu!
Poeti: Po perse me largoni?
Mbreti: Kam frike se do te thuash: ” Ne (pastaj) e dërguam atë te njëqind mijë e më shumë”. (es Saffat, 147)
Përshtati në shqip: Sedat Gani Islami
16 maj 2007, e mërkurë
Vushtrri, Kosovë

SHIKIMI NË GJËRAT E NDALUARA

SHIKIMI NË GJËRAT E NDALUARA

Shkencëtarët kanë vërtetuar se shikimi në vazhdimësi në femra zgjon instinktin e njeriut si dhe vë në lëvizje hormonet e veçanta për seksin, gjë që me kalimin e kohës shkakton dobësimin e sistemit imunitar si dhe kanosjen me sëmundje të ndryshme. Hulumtuesit kanë shtuar se mënyra më e mirë e shërimit të këtij çrregullimi është shmangia nga shikimi me epsh në femra.
I Dërguari i Allahut, Muhammedi, [Paqja dhe shpëtimi qofshin mbi të!] e ka shëruar rrënjësisht këtë problem në këshillën dhënë Aliut [Allahu qoftë i kënaqur me të!]:
“يا علي لا تتبع النظرة النظرة فإنما لك الأولى وليست لك الأخرى
O Ali! Mos paso shikimin me shikim, ngase për ty mund të jetë (i lejuar) i pari, por jo edhe i dyti! ” (Hadithin e transmeton Tirmidhiu.)
I madhëruar qofsh o Allah!

Abdudaim El-Kehil
http://www.kaheel7.com/ar
Përshtati: Sedat Islami

ÇFARË DUHET TË MBAJMË MEND NGA SJELLJET E NJERËZVE?

ÇFARË DUHET TË MBAJMË MEND NGA SJELLJET E NJERËZVE?

Dy shokë patën një mospajtim, i cili përfundoi me konflikt fizik. Njëri e sulmoi tjetrin. I ra shuplakë në fytyrë. Ky i rrahuri, e mori një shkop të vogël dhe gërvishti në rërë: “Sot, shoku im më i dashur më ra shuplakë në fytyrë!” dhe vazhduan rrugën. Kaluan pranë një moçali, rëra e të cilit ishte lëvizëse – përpinte çdo gjë. I rrahuri filloi të fundosej por e shpëtoi shoku i tij. me të shpëtuar, ai mori një hekur dhe gërvishti në një guri: “Sot, shoku im më i dashur më shpëtoi jetën!”
Kjo gjë e bëri shokun e tij të çuditej, andaj, me habi e pyeti: Pse kur të rashë shuplakë herën e parë, e shkrove në rërë se më goditi shoku im, ndërsa tani që të shpëtova e shkrove në guri?! Shoku i tij iu përgjigj me butësi: Kur neve të na bëjë keq dikush, duhet ta shkruajmë në rërë, në mënyrë që era ta fshijë atë, ta humbasë, ta harrojmë…Ndërsa kur dikush të na bëjë mirë, duhet ta shkruajmë në guri, në mënyrë që asnjë erë të mos mund ta fshijë atë.
Mundohuni të shkruani dhimbjet tuaja në rërë ndërsa të mirën ta gdhendni në gurë!
E shihni sa e bukur është toleranca?
Allahu i Madhëruar ka thënë:
Ndëshkimi i të keqes bëhet me një të keqe në të njëjtën masë, e kush fal e bën pajtim, shpërblimi i tij është tek All-llahu. Vërtet, Ai nuk i do zullumqarët.“ (esh-Shura, 40)
Të cilët japin kur janë shlirë edhe kur janë në vështirësi dhe që e frenojnë mllefin, që ua falin (të keqen) njerëzve, e All-llahu i do bamirësit.“ (Ali Imran, 134)

Burimi: http://www.quran-radio.com/
Përshtati në shqip: Sedat Islami

PARAGJYKIMET

PARAGJYKIMET

Një studim i ri gjerman ka vërtetuar se paragjykimet ndaj të tjerëve, në rast se përsëriten, atëherë ato mund të formojnë një bindje të gabuar, e cila ngulitet në kujtesën e njeriut, duke bërë që syri ta sheh atë (objekt pavarësisht se çka është, përkundër realitetit) si të vërtetë dhe realitet. Shkencëtarët gjermanë kanë shtuar se truri i njeriut pret atë që sytë e tij do ta shohin si diç të pranueshme dhe se nuk do të shtojë përpjekjet instinktivisht vetëm se atëherë kur syri të monitorojë – vëzhgojë ndonjë element të papritur.
Allahu ka thënë:
O ju që keni besuar, largohuni prej dyshimeve të shumta, meqë disa dyshime janë mëkat…“ (el-Huxhurat, 12)
E shihni se si ne këshillohemi që t’i braktisim shumicën e këtyre paragjykimeve apo supozimeve, edhe pse vetëm një pjesë e tyre janë mëkat. Kjo reflekton kujdesin e Islamit ndaj nesh që të braktisim çdo gjë që mund të na shkaktojë madje edhe problemin më të vogël.

Abdudaim el-Kehil
http://www.kaheel7.com/ar
Përshtati në shqip: Sedat Islami

BESIMTARËT JANË MË REZISTENTË NDAJ SËMUNDJEVE

BESIMTARËT JANË MË REZISTENTË NDAJ SËMUNDJEVE

Një grup hulumtuesish amerikanë kanë ardhur në përfundim se fetaria dhe mbajtja për mësimeve të fesë ndikon në përballimin më të lehtë të sëmundjeve kronike, sidomos kur bëhet fjalë për pezmatimin e nyejve ose artritin, siç njihet në mjekësi.
Studimi ka vërtetuar se pacientët fetarë janë më të fortë në përballimin e sëmundjeve, ndjenjën për shpresë dhe lehtësimin e dhimbjeve se sa jofetarët. Pacientët fetarë, po kështu kanë një sens humori më të madh se jofetarët, për çka edhe gjendja e tyre është më e mirë se e të tjerëve dhe se ata, kësisoj, fitojnë dhe përkrahjen e shoqërisë në luftimin e sëmundjeve të tyre.

Ka thënë Allahu i Madhëruar:
Kush bën vepër të mirë, qoftë mashkull ose femër, e duke qenë besimtar, Ne do t’i japim atij një jetë të mirë (në këtë botë), e (në botën tjetër) do t’u japim shpërblimin më të mirë për veprat e tyre.“ (en-Nahl, 97)

Abdudaim el-Kehil

http://www.kaheel7.com/ar

Përshtati: Sedat Islami